у трэд выклікаецца Тарашкевіч!

Традыцыйна склалася так, што пераклад робіцца клясычным правапісам, адсюль і мяккія знакі, у гэтым месцы хіба можна параіць аўтару паведамленьня пачытаць Вікіпэдыю дзеля пашырэньня кругагляду, бо надта ўжо тыповае нараканьне, што «правільна будзе так».

Што да другой часткі, пераклад падтрымліваецца, але паведамленьняў шмат, а перакладчыкаў ня вельмі, таму карыстаюся выпадкам і заклікаю зьвяртацца да мяне тых, хто жадае папрацаваць над перакладам, каб я мог даць інструкцыі, як гэта робіцца. Вядома ж, з часам усё будзе выпраўлена і перакладзена.

Што тычыцца перакладу, то я параіў яму звярнуцца да Вас.

А вось што тычыцца Вікіпедыі - іх, як вядома, на беларускай мове дзве, і аўтар цалкам можа адказаць Вам тым жа:-) На мой погляд, больш лагічна было б карыстацца той версіяй правапісу, якую вывучаюць у школе, хоць аргумент "традыцыйна склалася" аспрэчыць таксама цяжка.

Баюся, што на цяперашні момант пытаньне хутчэй стаіць такім чынам: ці такі пераклад як ёсьць, ці ніякага. Бо чаргі тых, хто б жадаў дапамагчы зь перакладам, не назіраецца.

Дзьве Вікіпэдыі — гэта якраз дастаткова добры прыклад, як вырашыць сытуацыю з правапісамі, калі кожны можа карыстацца тым, якім хоча. Калі ЖЖ зробіць дзьве вэрсіі для беларускай мовы, наўрад ці нехта будзе супраць.